Maanta oo ay tahay taariikh-du tahay 20ka November 2024, waxaa magaalada Caasimada dawlad gobolkeedka Galmudug ee…

Maanta oo ay tahay taariikh-du tahay 20ka November 2024, waxaa magaalada Caasimada dawlad gobolkeedka Galmudug ee Dhuusamareeb lagu soo gabagabeeyay shirkii Maareynta Maaliyadda Dadwaynaha (PFM). Shirkan, oo socday intii u dhaxaysay 16-20ka November, ayaa diiradda lagu saaray isku xirka iyo horumarinta nidaamyada maaliyadeed ee Dowladda Federaalka iyo Dowladaha Xubnaha ka ah Federaalka (FMS).

Agaasimaha Guud ee Wasaaradda Maaliyadda SSC-Khaatumo, Mudane Siciid Cabdiraxmaan Maxamed, iyo Xisaabiyaha Guud ee Maamulka SSC-Khaatumo, Mudane Maxamed Ibraahim Xuseen, ayaa oo ku metalayey Maamulka SSC-Khaatumo shirkan ayaa door muuqda ka qaatay horumarinta, wada shaqaynta iyo hufnaanta nidaamyada maaliyadeed.

Shirka ayaa lagu soo xidhay go’aanno muhiim ah oo ku saabsan:

• Mideynta habraacyada xisaabaadka maaliyadeed.
• Kor u qaadista hufnaanta, isla xisaabtanka, iyo daahfurnaanta nidaamyada maaliyadda.
• Xoojinta iskaashiga heerarka kala duwan ee dowladnimada si loo gaaro horumar waara.

Dhamaad
Waaxda Xogta iyo Xidhiidhka Dadweynaha
Wasaaradda Maaliyadda SSC-Khaatumo