Waajibaadka muhiimka ah
- Diyaarinta miisaaniyadda dowladda iyadoo lala kaashanayo dhammaan hay'adaha dowladda, loona hubinayo in soo-jeedinta miisaaniyaddu waafaqsan tahay mudnaanta istaraatiijiga ah ee dowladda.
- Falanqaynta isbeddellada dhaqaalaha iyo saadaasha dakhliga si loogu saleeyo go'aannada miisaaniyadda iyo dejinta siyaasadda maaliyadda.
- La socodka fulinta miisaaniyadda la ansixiyey iyo hubinta in lacagaha loo sii daayo loona isticmaalo sidii loo qorsheeyay.
- Hagidda iyo taageeridda waaxyaha kale si loo xoojiyo anshaxa maaliyadda iyo u hoggaansanaanta qoondada miisaaniyadda.
- Dejinta siyaasado iyo qorshayaal maaliyadeed oo muddo-dheer ah oo taageera koboc dhaqaale oo waara iyo maareynta maaliyadda dadweynaha.
- Qiimeynta khataraha iyo fursadaha maaliyadeed iyo talo-siinta isbeddellada maaliyadeed ee loo baahan yahay si loo ilaaliyo xasilloonida dhaqaalaha.
- La socodka iyo qiimeynta joogtada ah ee waxqabadka miisaaniyadda marka la barbar dhigo bartilmaameedyada iyo yoolalka.
- Adeegsiga qalabka lagu cabbiro waxqabadka si loo qiimeeyo waxtarka kharashaadka dadweynaha iyo gaadhista natiijooyinka istaraatiijiga ah.
- Diyaarinta warbixinno miisaaniyadeed oo faahfaahsan iyo bayaannada maaliyadda ee loo gudbinayo maamulka sare, Baarlamaanka iyo dadweynaha.
- Falanqayn maaliyadeed oo lagu sameeyo waxqabadka miisaaniyadda iyo meelaha u baahan wax-ka-beddel.
- La shaqeynta daneeyayaasha dowladda, ganacsiga gaarka ah iyo bulshada rayidka si loo helo aragtidooda loona gaadho is-afgarad arrimaha miisaaniyadda iyo maaliyadda.
- Hubinta in hannaanka miisaaniyaddu yahay mid hufan oo loo dhan yahay, si loo xoojiyo kalsoonida dadweynaha iyo isla-xisaabtanka.
- Tababarka iyo kobcinta awoodda saraakiisha ku hawlan diyaarinta iyo fulinta miisaaniyadda.
- Horumarinta hab-dhaqanka wanaagsan ee miisaaniyadda iyo maareynta maaliyadda ee hay'adaha dowladda.
- Hoggaaminta diyaarinta iyo cusboonaysiinta qorshayaasha istaraatiijiga ah ee hagaya tallaabooyinka Wasaaradda iyo dowladda, iyadoo la eegayo xaaladda dhaqaalaha iyo mudnaanta siyaasadda.
- Waafajinta kheyraadka maaliyadda iyo yoolalka istaraatiijiga ah si qorsheynta iyo miisaaniyaddu u taageeraan fulinta siyaasadaha.