Wasiirka Maaliyadda SSC-Khaatumo oo safar SHAQO KU tagay Columbus, Ohio – usa

Wasiirka Maaliyadda Dawlad Goboleedka SSC-Khaatumo, Mudane Cabdiqani Xuseen Xaaji Hiirad, ayaa safar shaqo ku tagay magaalada Columbus, gobolka Ohio ee dalka Mareykanka.

Intii uu joogay, Wasiirku wuxuu kulan midho-dhal ah la yeeshay jaaliyadda SSC-Khaatumo iyo guddiga jaaliyadda gobolkaas. Kulankaas oo uu diiradda lagu saaray is xogwaraysi, wada-tashi iyo dhiirigelin ayaa si heer sare ah u qabsoomay, wuxuuna kusoo dhammaaday midnimo, wadajir, iyo isku-duubni bulshada SSC-Khaatumo ay ku taageerayaan maamulka.

Wasiirku wuxuu uga mahadceliyey jaaliyadda ku sugan Maraykanka, gaar ahaan Ohio, kaalinta muuqata ee ay ka qaadanayaan dib-u-dhiska, taageerada dhaqaale, iyo taageerada farsamo ee Maamulka SSC-Khaatumo.

Dhamaad
Xafiiska Xidhiidhka Dadweynaha
Wasaaradda Maaliyadda Dawladda SSC-Khaatumo.