Ololaha Bilaabidda Cashuuraha Berriga ee Gobolka Cayn

Waxaa si rasmi ah looga bilaabay Gobolka Cayn ololaha wacyigelinta iyo hirgelinta Cashuuraha Berriga ee maamulka SSC-Khaatumo.

Ololahan ayaa waxaa ka qayb galay Guddoomiyaha Gobolka Cayn, Agaasimaha xigeenka Cashuuraha Berriga ee Waaxda Dakhliga, Mudane Cabdiqaadir Xasan Cawil, iyo Isuduwaha Gobolka Cayn ee Wasaaradda Maaliyadda, Mudane Dirir Cabdinaasir Mahad.

Waxay bulshada Gobolka Cayn ku boorriyeen muhiimadda bixinta cashuuraha oo laf-dhabar u ah horumarinta adeegyada iyo kaabayaasha gobolka. Ganacsatada iyo qaybaha kala duwan ee bulshada ayaa soo dhaweeyay ololahan, iyagoo ballan qaaday inay door muuqda ka qaadan doonaan bixinta cashuuraha.

Dhamaad
Waaxda Xogta iyo Xidhiidhka Dadwaynaha ee Wasaaradda Maaliyadda SSC-Khaatumo